Историат

ОСМУ „Никола Штејн“ – Тетово е формирано во 1961 година од страна на Собранието на општина Тетово под името Средно медицинско-техничко училиште за сестри, но во 1979 година со одлука на Окружниот суд во Скопје училиштето ќе го носи името Медицински схколски центар „Никола Штејн“ а од април 2007 година, општинско средно медицинско училиште-Тетово.

Во 1961 година училиштето започнало да работи само со две паралелки на македонски јазик, додека во 1967/68 година ќе се отворат и паралелки со настава  на албански јазик, а во 1987/88 година и на турски јазик.

Бројот на ученици и паралки се зголемува од година во година, така што денес училиштето работи со 77 паралки на трите наставни јазици регистрирани во 7 профили од областа на здравството и личните услуги:

Медицинска сестра

Забен текничар

Физиотерапевтски техничар

Медицински лабораторен техничар

Фармацевски лабораторски техничар

Козметички техничар

Болничар-неговател

Од 2005/06 година наставата се одвива во нов современ објект со сите услови за успешно учење според (Професионално реформирано средно образование).

Училиштето вкупно располага со 13.500 м2 простор, кој опфаќа: 40 училници за ученици, 19 кабинети, библиотека, 8 канцеларии на технички административен персонал, 2 канцеларии за информатичка технологија, како и наставничка канцеларија и спортска сала.

Теоретскиот дел од часот се одржува во училница за општи и стручни предмети.